GIYA SA PAGKUMPISAL:
(Inubanan og Pagsusi sa Tanlag)
Gikan sa Sulat Ang Kaluoy sa Dios ni Papa Juan Pablo Dos: “Kinahanglan makaplagan pag-usab ang nawong ni Cristo dinha sa Sakramento sa Pakighiuli, ang ?naandan nga
paagi pagkab-ot sa pasaylo ug pagpapas sa dagkong mga sala nga nahimo tapos sa bunyag.? Akong gidasig ang igsuon nakong mga Obispo ug naghangyo ako kanila -ug pinaagi kanila, sa kaparian-pagpabuhi pag-usab pag-ayo sa Sakramento sa Pakighiuli, usa ka kinahanglanon sa matuod nga gugma ug kaangayan sa pagpangalagad sa Magbalantay.“ 1. Mag-ampo sa Espiritu Santo pagsuta, pag-amgo ug pag-angkon sa kasal-anan. 2. Susihon ang mga pagsupak sa mga Sugo sa Dios ug sa bug-at nga mga pagtulon-an ni Cristo. 3. Hinulsolan ang mga salang nabuhat ug magsaad, tinabangan sa grasya sa Dios, pagsalikway ug paglikay sa kahigayonan niini. 4. Muduol sa pari sa kumpisalan: “Padre, bendisyoni ako kay ako nakasala (ug manguros) May _____ na ka (semana o bulan o tuig) gikan sa kataposan ko nga maayong pagkumpisal. Mao kini ang akong mga sala: (ug isugid ang mga sala). 5. Tapos maminaw sa pahimangno sa pari, kon aduna, mangadye sa Mga Pulong sa Pagbasol: “Ginuo kong Jesucristo, nagabasol ako sa akong mga sala nga tanan sa bug-os ko nga kasingkasing, tungod sa kahadlok nako sa imong mga silot apan labaw sa tanan tungod kay nahigugma ako kanimo, o Dios ko, hingpit nga kaayo ug takos sa akong gugma. Nagsaad ako sa dili na pagpakasala pag-usab ug likayan ko na ang mga kahigayonan sa pagpakasala. Amen.” 6. Maminaw sa pasaylo sa pari ug sa kataposan, muingon: Salamat sa Dios ug kanimo, Padre. 7. Magtoman sa penitensiya nga gisugo sa Pari. PAGSUSI SA TANLAG (EXAMINATION OF CONSCIENCE) Una (1) nga Sugo: Ako ang GINUO nga imong Dios: dili ka magbaton og mga dios-dios sa akong atubangan. Mga paglapas: pagbiya sa tinuohang katoliko; pagsupak sa gitudlo sa Simbahan; pagpasipala sa mga balaan nga mga tawo o mga butang; paglimod sa sala sa kumpisalan; pagmahay sa Dios; pagwagtang sa paglaom; pagsimba sa yawa, sa gahom, sa bahandi; patuotuo…, Ika duha (2) nga Sugo: Dili ka magsangpit sa ngalan sa GINUO nga imong Dios sa pagpasipala. Mga paglapas: Kulang sa pagtahod sa Dios ug sa mga balaan o santos; wala pagtuman sa mga panaad, pangako o panumpa ngadto sa Dios; pamalikas sa Dios; pagtunglo sa Dios ug mga santos; pagsaad og bakak; pagbugalbugal sa mga pari ug mga madre…. Ika tulo (3) nga Sugo: Hinumdomi pagbalaan sa adlaw sa GINUO. Mga paglapas: Walay pagsimba sa Domingo ug pista nga iglilihi; pagkalawat sa wala pay pagkompisal sa bug-at nga mga sala; pagsimba sa laing simbahan…. Ika upat (4) nga Sugo: Tahora ang imong amahan ug ang imong inahan. Mga paglapas: Kulang sa pagtahod sa mga ginikanan; kulang sa pagtuman sa pangginikanang mga katungdanan; pagsupak sa balaod sa lungsod ug sa nasod; paglikay sa mga buhis; wala pagsuporta sa Simbahan; pagsopak sa makataronganong sugo sa pari… Ika lima(5) nga Sugo: Dili ka magpatay. Mga paglapas: Kulang pagtahod sa lawas ug sa kinabuhi; pagpasakit sa uban; paggamit sa kabangis; panapat, tamparos, panumbag, pangulata; paghikog; aborsiyon; pagpatay sa mga tigulang na (euthanasia); pagbagutbot, pagbagulbol, pagmulo; kasuko; pagdumot; pagpanimalos; hubughubog; pag-adict-addict…. Ika unom (6) nga Sugo: Dili ka manapaw. Mga paglapas: Kulang sa kaputli ug kaligdong; kulang pagtahod sa kaugalingong lawas ug kinatawhan; kulang pagpakita ?g gugma sa kapikas; walay pagpugong sa kaugalingong kaulag; pagtan-aw ug pagbasa?g mga malaw-ay; pakighilawas sa wala pa makasal; paawas sa kinatawo (masturbation); bastos nga mga pulong; pagpahimulos sa managsama og kinatawhan… Ika pito (7) nga Sugo: Dili ka mangawat. Mga paglapas: Pag-usik-usik sa kabtangan; panghilabot sa katigayonan sa lungsod ug sa nasod; pagliguyligoy sa trabaho; kasina, kaibog; pangawat; pangawkaw; panikas; panglimbong; pangilad; panghiphip; wala pagbayad sa utang…. Ika walo (8) nga Sugo: Dili ka magbutangbutang ug dili mamakak batok sa imong isigkatawo. Mga paglapas: Pamakak; pagdaot sa dungog sa uban; pagsaksi og bakak; pangilad; panglibak; pagtamay; pagbiaybiay; panunglo; panginsulto; panghimaraot; pamasangil; pagbutangbutang; pagpakaulaw…. Ika siyam (9) nga Sugo: Dili mo kaibgan ang asawa sa imong isigkatawo. Mga paglapas: Pagbudhi sa kapikas; pagbaton og laing kauban bisa ?g minyo na; kulang pagpakita og gugma sa kapikas; panapaw; pagbulag sa mga minyo; pagminyo?g daghan; dili kinaiyanhong pamugong sa panganak; pagpuyo-puyo… Ika napulo (10) nga Sugo: Dili mo kaibgan ang mga manggad sa imong isigkatawo. Panulis; panugal; panglungkab; kasina; kaibog; kahakog; pangidnap; panagit og mga tawo; pagkawala matagbaw; panggubot.
ANG PAGHINULSOL SA MGA SALA
GINOONG HESUKRISTO Akong Ginoong Hesukristo, nagabasol ko sa akong tanang sala sa bug-os nakong kasing-kasing, tungod sa kahadlok nga maangkon nako ang impiyerno, apan labaw sa tanan, tungod kay nahigugma ko Kanimo, akong Dios, hingpit nga kaayo ug takos sa tibuok nakong gugma. Lig-on kong nagasaad nga dili na ko mousab pagpakasala, ug nga likayan nako ang mga kahigayonan sa pagpakasala. Amen.
0 Comments
|
AuthorWrite something about yourself. No need to be fancy, just an overview. ArchivesCategories |